कामपा-३ मा नेपाली काँग्रेसबाट वडाध्यक्षका ४ सम्भावित उम्मेद्वारहरू
काठमाण्डाै महानगरपालिका-३ मा नेपाली काँग्रेसबाट वडाध्यक्षका ४ चर्चित सम्भावित उम्मेद्वारहरू
देश अहिले स्थानिय निर्वाचनकाे संघारमा छ । नागरिककाे घरदैलाेमा सेवा पुर्याउने र केन्द्र सरकार र अाम नागरिक बिच सेतुकाे कार्य गर्ने स्थानिय तह (पालिका सरकार)काे नेतृत्व गरि अाम नागरिककाे सेवा गर्ने उद्देश्यका साथ राजनैतिक दलका युवाहरू साथै स्वतन्त्र युवाहरू तयारीमा जुटि सकेका छन ।
राजधानी शहर एतिहासिक नगरी काठमाण्डाै महानगरपालिका वडा नं. ३ लाइ काठमाण्डाै क्षेत्र नं. ५ को मेरूदण्डको रूपमा लिइन्छ । एतिहासिक नगरी काठमाण्डाै महानगरपालिका अाफैँमा एउटा विशेषता बोकेको नगरी हो भने महानगरको शीरमा रहेको ३ वडाले एउटा छुट्टै पहिचान र विशिष्टता बाेकेकोछ । अस्पतालै अस्पताल, राजदुताबासै राजदुताबास, सुरक्षा निकायका महत्वपुर्ण अंगहरू, पुर्व राजा देखि वर्तमान राष्ट्रपतिको निवास रहेको वडाकाे नेतृत्व गर्न सक्ने अति नै सक्षम र याेग्य व्यक्तित्वलाइ अमुल्य मतदान गर्न वडाबासीहरू व्यग्रताका साथ मतदानको दिन पर्खेर बसेका छन ।
वडाबासीहरूले मतदानको दिन व्यग्रताको दिनगन्ती गर्नुको प्रमुख कारण विगतमा एमालेबाट जितेका वडाध्यक्षको अकर्मण्यता, अनैतिक गतिविधी, विभेदकारी व्यवहारनै हो ।
साेही कारण यस निर्वाचनमा नेपाली काँग्रेसबाट असल र सक्षम उम्मेद्वारको पर्खाइमा छन वडाबासीहरू । यही मेसाेमा कामपा-३ को टाेल टाेलमा नेपाली काँग्रेसबाट सम्भावित उम्मेद्वारहरू मध्ये ४ जनाको चर्चा विशेषरूपले चल्न शुरू गरेकाेछ ।
विषम केसी ः किशोरावस्था देखि हालसम्म लामो समय पार्टीको सेवामा निरन्तर भएकाे, २ कार्यकाल वडा सभापति भइसकेको अाधारमा वर्तमान वडा सभापति विषम केसीलाइ सम्भावित वडाध्यक्षको उम्मेद्वारको रूपमा अनुमान गर्न थालिएकोछ ।
राकेश महर्जन ः बिद्यार्थीकालमा नेविसंघमा अावद्ध भइ वडा सचिवको भुमिकामा विवाद रहित र सफलरूपमा कार्यकाल सम्पन्न गरि चाैधाैँ महाधिवेशनमा कुनैपनि गुटको फेर नसमाति वडा सभापतिको प्रतिस्पर्धा गरि बलियो गुटको प्रतिस्पर्धि उम्मेद्वारसंग अतिनै झिनो मतान्तरले पराजित भएका राकेश महर्जनलाइ वडाबासीहरूले विशेष चासोका साथ हेरिरहेकाछन । विभिन्न राष्ट्रिय अन्तर्राष्ट्रिय संघसंस्थाहरूको नेतृत्व गरि ख्याती कमाएका उनबाट वडाबासीहरूले विशेष अाशा पनि गरेकाछन ।
राजेश अधिकारीः बिद्यार्थीकालमा नेविसंघमा अावद्ध भइ वडा सभापतिको रूपमा पार्टीको नेतृत्व गरि पार्टी संगठनलाइ विस्तारित गर्न सफल उनी अन्यायपुर्ण सडक विस्तारको विरूद्ध वडाबासीको घरबार र हकहितको लागि अान्दोलनको नेतृत्व गरि वडाबासीहरूको मनमा बस्न सफल भएका थिए । गत स्थानिय निर्वाचनमा पनि सम्भावित उम्मेद्वारत्को सुचीमा रही टिकटबाट बञ्चित उनलाइ पनि यसपाली वडाबासीहरूले विशेष चासाेका साथ हेरेकाछन ।
हिक्मत शेरचन ः ०४६ साल पछिको पहिलो स्थानिय निर्वाचनमा वाग्लुङ बुर्तिवाङमा वडाध्यक्षमा विजेता भइ सफल वडाध्यक्षको सुचीमा नाम दर्ज गराएका उनी हाल कामपा-३मा पनि समाजसेवा र संगठन विस्तारका कारण चर्चित छन । संगम क्लबको स्थापनाकाल देखि हाल सम्म लगातार अध्यक्ष भइ टाेलबासीहरूको मन जित्न सफल उनलाइ पनि वडाबासीहरूले विशेष चासोका साथ हेरेकाछन ।
Comments
Post a Comment