बुढानीलकण्ठ नगरपालिकमा कृषि सामग्री खरिद तथा अनुदानको प्रगति विवरण छैन, गम्भीर भ्रष्टाचारको आशंका !

बूढानीलकण्ठ नगरपालिकामा  कृषि तथा पशु अनुदान कार्यक्रमभित्र गम्भीर भ्रष्टाचारको आशंका गरिएको छ । कृषि तथा पशु अनुदानका काममा अव्यवस्थित एवम् विसंगतिपूर्ण काम भएको आरोपको कारण ठूलो घोटाला भएको सरोकारवालाहरूले बताएका छन् ।

 

काठमाडौँ खबर श्रोतका अनुसार  नगरपालिकाले कृषि तथा पशुपालनमा संलग्न सहकारी संस्था, विभिन्न कृषि पकेट कार्यक्रम र कृषि सामग्री खरिदका लागि अनुदान स्वरूप एक करोड ११ लाख ७६ हजार ५ सय ९९ रुपैयाँ रकम वितरण गरेको थियो ।  अचम्मको कुरा के छ भने  करोडौँ रकम अनुदानको रूपमा वितरण भए  पनि  अनुदानको उपयोग र प्रभावको हिसाबकिताब गर्ने प्रगति प्रतिवेदन भने नगरपालिकासँग छैन ।

 

प्रगति प्रतिवेदनको अभाव र अनुदान कार्यक्रमको नतिजाको अनुगमन र मापनको अभावले नगरपालिकाका अधिकारीहरूको पारदर्शिता र जवाफदेहितामामात्र नभै सिधै  गम्भीर खाले भ्रष्टाचार भैरहेको अनुमान गर्न सकिन्छ ।  

 

अनुदान प्रदान गर्न जिम्मेवार निकायले सार्वजनिक कोषको प्रभावकारी उपयोग भएको सुनिश्चित गर्न यसको उपयोगको अनुगमन गर्न अनिवार्य छ। तर, यस्तो अनुगमनको अभावले कोषको उचित उपयोगमा शंका र प्रश्न उठ्ने ठाउँ दिएको छ  । अनुदान कार्यक्रममा भ्रष्टाचारको गन्ध आउने  केही उदाहरणहरू हामीले प्राप्त गरेका छौं जो  निम्न बमोजिम रहेको छ ।